Si Senador Bong Go kag Mayor Sara Duterte ang iga tib-ong ni gubernatorial aspirant John Orola.
Si Orola ang nag file sang iya nga kandidatura bilang gobernador sang Negros Occidental sa idalom sang PDDS ukon Pederalismo ng Dugong Dakilang Samahan nga amo man ang partido nga gindala ni Senador Bong Go sa iya nga pagpapili bilang presidente.
Suno kay Orola, ang partido ang may alliance man sa PDP Laban nga partido ni Presidente Rodrigo Duterte.
Wala pa man sang opisyal nga komunikasyon gikan sa PDDS National headquarters, pero suno kay Orola gina paabot nga ila nga iga tib-ong man si Mayor Sara. Dugang pa ni Orola, maga padayon ang iya nga pagpakigbato, bisan nga wala siya sang bise gobernador.
Mangin kasumpong ni Orola si Governor Eugenio Jose Lacson sang Love Negros nga katapo sang Nationalist People’s Coalition.
“Although we have not received any official instructions yet, but the way it is being explained to me nga ang amon nga kandidato nga dal-on Mayor Sara Duterte for the vice president,” suno kay Orola.