Gin paidalom sa psychosocial intervention ang 45 anyos nga OFW sa Saudi Arabia nga tigayon naka palagyo gikan sa iya nga employer nga naga maltrato sa iya.
Sandig sa impormasyon gikan sa Overseas Workers Welfare Administration, ginsiling ni Karen Dinsay ang Public Employment Service Office Manager sang Negros Occidental, gina hatagan anay sang naga kaigo nga pagtatap ang natungdan nga OFW para mag improve ang iya man nga ikaayong lawas kag mabuligan man siya sa trauma nga iya na agyan.
Yara na siya karon sa paghinakop sang in-charge sang OWWA suno kay Dinsay.
Ginsiling naman ni Isabela Mayor Miguel Angelo Yulo nga padayon man nga gina process sang Department of Migrant Workers ang iya sini nga papeles para tigayon man siya maka kuha sang exit visa.
Ang ulihi nila nila nga update gikan sa DMW amo nga magalawig sang tatlo tubtob apat ka semana kag ma kumpleto hikot ang papeles.
Taga Isabela sa Negros Occidental ang napamana sang amo nga OFW.
“Gina process pa sa gihapon sang Department of Migrant Workers ang iya nga papeles para maka puli di sya dayon. Amo na lang gid na ang daw final nga requirement niya kay wala pa siya daan exit visa so this is the process para makuha niya na para makalupad di sya balik sa Pilipinas. Ang last nga hatag nga update sang Department of Migrant Workers sa amon, hambal nila either 3 to 4 weeks ang pag process pero hoping man kami nga basi matagaan priority or basi mapa double time ang iya papeles”, suno kay Yulo.
[sibwp_form id=1]