Digicast Negros

Negros Occidental OPA may OIC na

Ginhingadlan ang supervising agriculturist nga si Dina Genzola nga mangin OIC sang Office of the Provincial Agriculturist karon nga maga retiro na sa serbisyo ang pamuno sang OPA.

Suno kay Negros Occidental Governor Eugenio Jose Lacson, si Genzola ang maga serbe nga OIC samtang gina lantaw sang probinsya ang pagkuha sang isa ka outsider nga maga tal-os kay Atty Japhet Masculino nga maga retiro na bwas nga adlaw.

May tatlo ka show cause nga napapanaog kay Masculino angut sa pagpanukot sang isa ka caterer sang isa ka milyon ka pesos nga wala mabayaran nga service sini kag ang gina siling pagbakal sang grain dryer nga under specification. Kahapon lamang niya nabaton ang angut sa mga wala nahuman nga mga proyekto sa idalom sang Department of Agriculture. Suno kay Masculino sabton niya ini ilabi na nga natabo pa ini sa tion sang anay agriculturist.

Ginalantaw nga maga apekto ang pending nga mga isyu sa kalawigon sang pag process ni Masculino sa iya sini nga clearance antes makabaton sang iya nga retirement benefits.

Exit mobile version
Skip to toolbar