Pinaka mataas nga na record nga Covid deaths sa probinsya na record sa bulan sang Oktubre – 374.
Suno kay provincial administrator Rayfrando Diaz ini ang pinakamataas nga na record humalin sang nag igo ang pandemic sang Marso sang nagligad nga tuig. Humalin sang Oktubre 18 tubtob 25, ukon sa walo ka adlaw, 135 ang na record nga napatay angut sa Covid-19.
Sandig sa datus sang kapitolyo, sang Marso napulo ang na record napatay, sang Abril – 37, sang Mayo – 79, sang Hunyo – 104, sang Hulyo – 97, Agosto – 60 kag sang Aetyembre – 234.
Samtang, sa monitoring naman karon sang mga quarantine facilities nag nubo na ang kadamuon nga yara diri. 52 ang yara sa healing center sa EB Magalona, 16 ang sa Cadiz kag 22 ang sa Silay.
Tuman na ini nga nag nubo kun ipaanggid sa naglligad nga semana nga naga kasayuran nga madamo naman ang naka recover na. Ang mga Covid hospitals naman suno kay Diaz – 69 percent ang occupancy rate sang ospital sa Valladolid, 95 percent naman ang sa Cadiz kag 74 percent ang sa Himamaylan. Wala untat ang panawagan sang probinsya nga mag pabakuna na.
Ginsiling man ni Negros Occidental Governor Eugenio Jose Lacson nga madugay pa magtapos ang Covid – 19 gani indi gid pagkalipatan ang pagsunod sa minimum health protocols.