Bacolod City kag Negros Occidental ang yara na sa alert level 2 sumugod Pebrero 16 tubtob 28.
Sa gin anunsyo ni Secretary Karlo Nograles, ang Aklan, Antique kag Capiz sa Western Visayas, ang napaidalom man sa alert level 2.
Nangin low risk na ang classification sang Negros Occidental sa Pebrero 13 nga report sang Department of Health Region 6.
Ini kasunod sang pag nubo man sang average daily attack rate sang probinsya. Ang attack rate nagakasayuran sang porsiento sang populasyon nga nalatnan ukon nagmasakit sa isa ka natumod nga panahon.
Sa nagligad nga 1 to 2 weeks 4.14 ang average daily attack rate nga na-record sa Negros Occidental.
Mas manubo kun ipaanggid sa nagligad nga tatlo tubtob apat ka semana nga 8.45.
Sa February 13 nga report sang Provincial Incident Management Team, 31 ang new Covid – 19 cases nga ginreport. May tatlo ka covid related deaths. 273 ang naka recover. 2,179 naman ang active cases.