Gin-aprobahan sang Sangguniang Panlalawigan sang Negros Occidental ang pag paidalom sa state of calamity sang probinsya.
Sa session nga ginpatigayon sini nga hapon gin-aprobahan sang SP ang resolution sang Provincial Disaster Risk Reduction Management Council sa pagpaidalom sa probinsya sa state of calamity.
5.9 billion pesos ang halit nga natuga sang bagyo sa pananom, kasapatan, infrastructure, health, food and nutrition, sa mga eskwelahan kag seaports.
38 ang patay, 3,764 ang nagkalaguba nga balay kag 16,477 naman ang damaged nga puluy-an base sa executive order nga gin pa gwa ni Governor Eugenio Jose Lacson sa pagpaidalom sang probinsya sa state of calamity.
Ang pag paidalom sa state of calamity sa probinsya magatugot sang pag gamit sang calamity funds.
Nalakip man diri ang pag patuman sang price freeze sa basic necessities kag commodities agudto malikawan ang pag pamentahan sa presyo kasubong man hoarding sang mga goods.