Wala mag pensar ang isa ka tag-iya sang grocery store sa Barangay Robles sa may banwa sang La Castellana nga ang tuyo nga pagbulig sa dumdom anay nila mga mangunguma ang isa gali ka scam.
Lunes sang aga sang may nagkadto nga lalaki nga nag tanyag sang ila patubas nga bugas.
May ginpasimhot kag ginpalantaw pa siya nga bugas nga sample. Nangin okay man ini kag wala man sang problema. Apat ka sako sang bugas ang karga nila sang iya upod sa tricycle nga wala sang plate number.
Ginkasugtan nga ibaligya nila sa grocery store sa presyo nga P2,350 ang bugas kag ginbakal ini sang negosyante.
Nagbiya na ang nagbaligya sang bugas. Gintig-ang nila ang bugas kag didto nila na deparahan nga ang babaw lang nga parte sang isa ka sako ang maayo nga klase sang bugas kag ang idalom sini indi na maayo nga klase sang bugas.
Ang unod sang tatlo pa gid ka sako indi man manami. Bahay na.
Sang matig-ang na didto nila napanimahuan nga baho na ang bugas kag daan na katama. Na scam sila sang ginbaklan nila. Gani naga paandam sila sa iban nga mga pumuluyo nga doble sa paghalong kay basi mabiktima man sang sini nga scammer sang bugas.
[sibwp_form id=1]