Digicast Negros

Neg Occ maga tutok sa iban nga option kun indi ang Baciwa interesado sa bulk water project

Kun indi man interesado ang Bacolod City Water District nga mag avail sang supply sang tubig gikan sa bulk water project sang probinsya, maga tutok na lamang ang probinsya sa iban nga mga options sini.

Ini suno kay Negros Occidental Governor Eugenio Jose Lacson nga nag siling man nga humalin pa man sang sugod napahayag na nila nga importante ang Bacolod sa bulk water project. Indi ma negar nga ang Bacolod ang may pinaka madako nga demand sa tubig.

Mahimo suno kay Lacson, napat-od naman sang Baciwa, nga sa palaabuton may kuhaan na sila sang supply sang tubig.

Ginsiling sang gobernador nga ang tubig gikan sa bulk water project sang probinsya ang matigayon mga tatlo pa ka tuig humalin subong.

Kahapon ginpahayag ni Provincial Administrator Rayfrando Diaz nga wala sa wgihapon nakapahibalo ang BACIWA sang kantidad sang tubig nga ila kinahanglan nga kuntani gamiton para sa feasibility study sang bulk water project.

Suno kay Diaz sa water summit sadto nga gin sakdag nagpasalig ang BACIWA sang 40 MLD ukon minimal ater disharge. 

Suno kay Diaz indi man tubtob san-o magahulat ang probinsya sa BACIWA.

Magapadayon ang preparasyon sang proyekto sa tanan nga aspeto.

Ang Aboitiz Infra Capital ang damlag pa nag pabutyag na sang interes sa bulk water project kag naga duso sang 2.8 billion pesos nga investment nga pagatukuron sa Talisay City.

Exit mobile version
Skip to toolbar