Site icon Digicast Negros

Napatay nga pulis isa ka scholar, director sang taltal, nag janitor kag dispatser para mangin isa ka pulis

YouTube player

Samtang naga himutad sa haya sang iya hinablos nadumduman ni Ofelia Estribor nga sang nagligad lang nga semana nag chat pa si staff Sergeant Joseph Nepomuceno Jr sa iya para hambalon nga bisitahon siya sa ila nga balay sa may Dawis sa Barangay 14 sa Bacolod.

Ugaling bangud sang maulanon nga panahon wala maka kadto ang tiya.

Nanay ang tawag sa iya ni Staff Sgt Nepomuceno ukon si Jr.

Wala siya magpensar nga sa liwat niya nga pagbisita kay Jr, haya na sini sa ila nga balay ang iya maabtan

Indi malipatan ni Ofelia kun ano ka pisan kag ka dedikado kay Jr. Katapo siya sang Teatro Bacolod sang San Sebastian Cathedral kag nangin director pa sang taltal kun Semana Santa.

Nangin iskolar ini kag nag trabaho pa bilang janitor kag gin sulod ang pagka dispatser para lang maka tapos sa pag eskwela kag mangin isa ka pulis kay indi gid ang iya nga handum.

Ang tatay ni Jr isa man ka pulis ang ginpatay man sang sparu sang npa sadtong dekada otsenta

Si Jr ang gintiro man sang riding in tandem sa Rosario Street sa Barangay 38 sa Bacolod sang Domingo.

Ang masubo lang suno kay Oelia kay ang iya pa nga hinablos nga matarong nga pulis kag isa ka amay sa tatlo ka tuig nga bata ang ginpatay.

Sini nga Setyembre 25 natalana nga mag saulog sang 4th birthday ang bata wala siya sang hinalung-ong sa natabo sa iya sini nga amay….

Exit mobile version
Skip to toolbar