Re-elected Vice-Governor Jeffrey Ferrer ginakabig nga kadalag-an ang pagkampanya kay presidential candidate Ferdinand Marcos, Jr bisan abanse ang kadamuon sang boto ni Vice President Leni Robredo sa Negros Occidental.
Magluwas sa Bacolod, mas mataas ang nakuha nga boto ni presidential candidate Leni Robredo kun ikumparar sa leading candidate nga si presidential candidate Ferdinand Marcos, Jr.
Pero para kay re-elected Vice-Governor Jeffrey Ferrer kag anay mayor Sonny Coscolluela nga provincial spokesperson para sa BBM-Sara campaign, makabig gihapon ini nga kadalag-an bangud sang magamay nga margin of votes.
Sang 2016 masobra sa tunga sa milyon ang abanse sadto ni Robredo kay Marcos sa vice presidential elections.
Pero karon may masobra sa 30 thousand votes ang abanse ni Robredo kontra kay marcos diri sa probinsya.
Ginsiling man ni Ferrer nga karon nga klaro na ang kadalag-an ni Marcos,mas maayo kun respetohon na lang kag mag move on na ang tanan ilabi na ang mga supporters sang napierde nga kandidato.
Wala niya man mapunggan ang magpautwas bisan pa ginakalipay niya ang resulta sang pagpangampanya kay BBM.