Diri sa may Economic Highway nga naga angut sang Barangay Pahanocoy kag Cabug ginbilin ang salakyan sang 34 anyos nga si Ricky Vonn Apuhin.
Kaina gin process na sang Scene of the Crime Operatives ang iya salakyan para maka kuha sang mga ebidensya kag makilala kun sino ang apat ka mga persona ang nag abduct sa iya sa may Adelfa Street malapit sa Libertad Market.
Suno sa kay commander sang Police Station 6 nga si Captain Leo Estopa, matapos pilit nga ginsakay sa iya awto ang biktima ginlibot ini. Wala siya makahibalo kun diin siya gindala kay gintabunan ang iya nga mga mata. Gindala siya sa isa ka kwarto kag gin usisa.
Suno pa sa PNP, si apuhin ang naga kuha sang mga pusta kag naga dul-ong sang mga duinag-an sa mga naga taya sa e-games pati na sa pustahanay sa NBA finals.
Sa panugiron sang biktima sa pulis, may gina pangita nga persona sa iya ang mga abductors nga tagalog kag bisaya speaking. Ang amo nga persona ang isa ka drug personality kag naga taya
man sang dalagko nga kantidad.
Sang gab-i na ginbilin sang mga abductors ang biktima sa may patyo sa Bago City.
Amgluwas sa kinyentos pesos nga pamlete ginbalik man sa iya ang iya yabe kag gin sugiran siya kun diin ginbilin ang iya salakyan.
Nag sakay siya taxi kag nagpadulong sa isa ka subdivision sa Barangay Cabug samtang ang mga pulis ang naga usisa sa iya nga mga salakyan. Naghulam ang biktima sang cellphone sa taxi driver kag nanawag sa iya nga live in partner.
Dugang pa sang biktima nga ginkuha pa sang mga abductors ang iya singkwenta mil pesos nga cash.
Padayon ang pagkuha sang dugang pa gid nga impormasyon sang PNP. Kun mag kooperar ang biktima sa pulis, ang mga suspek mahimo pasakaan sang kaso nga serious illegal detention, paglapas sa anti carnapping law kag robbery.