Las sinko pa lang sang kaagahon naga-biya na sa iya gina-rentahan nga balay sa purok sisi 1 sa magsungay sakop sang Barangay Singcang–Airport ang 29 anyos nga amay nga si Jason Provido para maglibod sang butong.
“Ako man ni gasaka sang lubi sir amo nga aga pa ko gabugtaw..diri lang man kis a sa Singcang ang ginasaka ko nga mga lubi.”
Sa tunga sa adlaw nga pagpangabudlay sarang siya maka-income sang indi magnubo sa kinyentos pesos nga amo naman ang iya ginapa-igo sa pambayad sang arkila, pambakal sang pagkaon kag iban pa nga kinahanglanon sang iya duha ka mga magagmay nga kabataan.
“Sang una ga ubra pa ko sa IPM kada gab-i galing pag pandemic damo bi mga requirements wala nako ka ubra..awat pa man bala tani pang bayad arkila..(pila pa arkila mo sa balay haw?) 3,400 sir.”
Sang Miyerkoles, samtang nagapamahaw si jason sa Reclamation Area, wala siya maglaum nga mapudyotan ang isa ka kahita nga may unod nga kwarta.
Suno kay Jason wala nagsulod sa pensar niya nga gamiton ang napulot nga kwarta. Sa baylo iya ginpakamaayo nga itugyan ini sa iya pagpauli sa barangay. Tubtob nga nabalik ang masobra sa katorse mil pesos nga cash sa mismo tag-iya sang wallet nga may kwarta.
Naglapta sa social media ang ginhimu nga pagkatampad ni Jason. Bugal nga ginakalipay man sang iya mga kaingod balay, ilabi na sang iya asawa.
Anay karga tapas sa banwa sang Hinigaran si Jason nga nagpasimpalad man nga makakita sang maayo nga bwas damlag sa siudad sang Bacolod.
Para sa iya, bisan pa nga gina kulang, wala siya nagpadala sa temptasyon nga kuhaon ang kwarta nga indi iya. Lain gid ha kuno kun ang kwarta nga imo gina gasto lara sa imo pamilha gikan sa imo pagpanikasog kag pagkapisan.