Napatay sa ospital ang isa ka motorcycle rider matapos ini mag suhot sa mixer kagab-i sa atubang sang Bacolod City Government Center sa Circumferential Road.
Ang napatay ginkilala kay James Leonel.
Suno kay Major Ritchie Gohee, hepe sang Police Station 4, nagadalagan sa opposite lane ang motor kag mixer sang hinali mag agaw sa lane ang motor sa kurbada nga bahin sang dalan kag siya ang nag rekta sa bumper sang mixer.
Ginbudlayan pa ang mga rescuer sa pagkuha sa biktima nga nagtapik sa bumper.
Gindala siya sa ospital apang wala na matabangan.
Temporaryo man nga gin detain sa Police Station 4 ang driver sang mixer.