Naglab-ot na sa otsenta pesos ang kada litro sang diesel matapos nga ginpatuman ang sais pesos nga saka sa kada litro sini sang kahapon mas mahal sang duha ka pesos sa kada litro sang gasolina.
Gani ang grupo nga Western Visayas Transport Cooperatve ukon WVTC, naga duso na sang kinse pesos nga minim nga plete sa depasahe nga salakyan.
Pero ginsiling ni United Negros Drivers and Operators Center ukon UNDOC secretary general nga si Diego Malacad, isa ini sa mga yara sa agenda nila sa bwas sa ila nga unity forum.
Magluwas sa saka sa plete ila man istoryahan ang gina kabig nila nga maka alarma nga pagpang harass sang Land Transportation Franchising and Regulatory Board angut sa modernization program sang gobyerno.
Ila man paga istoryahan ang kun tani pag dula sa Oil Deregulation Law para mapanubo ang bili sang produkto petrolyo kag ang gina duso sa rehiyon sais nga pasakaan sang sais pesos ang minimum nga plete kag himuon na nga kinse pesos imbis nga nuebe pesos na.
Suno kay Malacad, kuhaon nila ang suggestion sang mayoriya kag maga himo sang desisyon base diri. Kun siya lang kuno ang pamangkuton kulang pa ang kinse pesos nga minimum nga plete pero indi man kuno
Pwede nga tanan ipas-anon na lang sang mga pasahero ilabi na sa karon nga naga batyag ang tanan sa kamahal sang mga balaklon kag naga bangon pa lang gikan sa pandemya.
Sa bwas mahibaluon kun ano ang mangin desisyon sang transport sector sa Negros.