Udtong adlaw pero ang ini nga mga kalalakin-an masako sa pagpiswit sang tubig sa sulod sang Burgos Market. Ang iban sa ila naga panilhig. Isa lang diri ang regular nga empleyado sang siudad.
Ang iban sa ila, mga volunteers. Nag apply nga manign job order pero bisan wala pa mahibaluan kun mabaton na, nag sugod na sa pagtrabaho.
Pagka hapon ang fish section ang ila nga paga tinluan. Dako kuno nga trabaho ang sa fish section kag magluwas nga langsa, may mga basura sa idalom sang mga lamesa nga ginpang bilin lang.
Naga danaw pa ang alagyan sa sini nga section sang merkado.
Kun ang iban pa nga mga negosyante ang pahambalon, may mga vendors nga dapat iseminar. Ipa intsindihon nga indi lang obligasyon sang siudad ang pagpaninlo sang merkado kundi ang kada isa nga naga baligya sa sulod ang may obligasyon nga imentinar ang katinlo sa merkado.
Subong nga hapon nag pasar sang resolution si Councilor Celia Flor nga pamuno sang committee on public markets nga naga tukod sang task force nga pagatapuan sang City Engineer’s Office, City Disaster Risk Reduction Management Office kag General Services Office nga maga assist sa market administration nga sa pagpatigayon sang pagtinlo, flushing, de clogging dredging kag pagkayo sang piples sa tatlo ka mga dalagko nga merkado sa Bacolod.
Samtang ang atubang sang Burgos Market ang naghawan na matapos nga wala ini anay ginpa parkingan kag ginpa pwestohan sa mga vendors samtang naga padayon ang repair sang atubang nga side sang merkado.
Suno sa mga vendors, nag assist pa ang mga pulis sa pagpang hawan kaina kay may mga wala naga pati sa mga taga City Legal Office.
Loading kag unloading lang anay ang gina tugutan sa karon sa atubang sang merkado.