Wala sang nakita nga pat ud nga labor program ang Partido ng Manggagawa Negros sa idalom sang Marcos Administration.
Amo nga kaina sang aga, nagtipon sila sa replica sang government center sa Bacolod Public Plaza para sa blank paper protest.
Suno kay Priscilla Goco, secretary general sang PM Negros, kabahin sa ginahinyo sang labor sector amo ang dugang nga P100 pesos nga saka sa sweldo agud mangin alalangay ang ginabaton sang mga trabahador sa Visayas kun ikumparar sa Luzon.
Dungan sa pagdumdom sang Bonifacio Day, ginpanawagan man sang grupo ang pagpatuman sang layi nga natukod para sa mga kababayen-an kabahin na diri ang pagpabaskog sang kampanya batuk sa violence against women.