Bisan ang mga fully vaccinated travelers nga wala nag gikan sa mga red list countries ang ginakinahanglan na nga may yara sang negative RT-PCR test antes magbyahe pasulod sa pungsod kabahin sang tikang batuk sa Omicron Variant sang Covid-19.
Sa idalom sang panibag-o nga travel guidelines sang Inter Agency Task Force, kinahanglan man nila nga magpaidalom sa government facility quarantine kag liwat nga magpaidalom sa RT-PCR test sa sulod sang lima ka adlaw.
Sa ikapito naman nga adlaw kinahanglan magpaidalom sa RT-PCR test ang mga partially vaccinated kag ang wala pa nakapabakuna sang Covid-19 vaccine.
Kag bisan negatibo ang resulta sang test, ginakinahanglan gihapon sang mga travelers nga magpaidalom sa 14 day home quarantine.
Sa Bacolod City, ginsugdan naman sang katapo sang Emergency Operations Center ang hugot nga screening para sa mga pasahero nga naga inabot sa seaport kag bisan sa Bacolod Silay Airport.
Suno kay Dr. Chris Sorongon, deputy for medical data and analysis, ila ginapasiguro nga natapos ang testing kag quarantine protocol sang mga pasahero nga gikan sa mga pungsod nga may cases sang Omicron variant ukon yara sa red list countries.
Ang pungsod ang nagpatuman na sang travel ban sa mga lugar nga yara sa red list.
Ginlakip naman sa travel ban bisan ang mga vaccinated foreigners nga yara sa green list ukon mga pungsod nga yara low risk.