Digicast Negros

Mga menor de edad mahimo na bakunahan sini nga bulan

Vaccination program para sa 12-17 year old ang ginalauman sang Emergency Operations Center nga masuguran antes matapos ang Oktubre.

May masobra sa shien mil ka mga indibidwal nga yara sa 12-17 year old ang target nga mabakunahan sang Bacolod Emergency Operations Center.

Gani karon pa lang ginasuguran na nila ang online registration kag padayon man ang ila pagkuha sang masterlist sa mga kabarangayan para sa menor de edad nga luyag magpabakuna kontra sa Covid-19.

Suno kay Dr. Chris Sorongon, Deputy For Medical Data and Analysis sang EOC, karon nga magasugod na ang pilot testing para sa vaccination sang 12-17 year old sa Metro Manila, ginalauman nila nga masugdan man ang vaccination program para sa 12-17 age group antes matapos ang bulan sang Oktubre.

Sa karon yara na sa 51 percent ang vaccination program sang Bacolod nga may yara na sang kapin sa tres shientos mil ka mga Covid-19 vaccines nga na-administer.

Exit mobile version
Skip to toolbar