Mga punong barangay sa Negros Occidental nga gin-reklamo bangud ila man nga himata ang benepisyaryo sa scholarship program sa idalom sang Bawat Barangay Makikinabang program ang nag balik na sang natungdan nga pondo.
Ginsiling ni Board Member Richard Julius Sablan nga presidente sang Liga ng Barangay – Negros Occidental Chapter, nga sila ang nagpadulong mismo sa barangay sa Cauayan kun sa diin duha ka mga anak sang punong barangay ang benepisyaryo sa amo nga scholarship program.
Nakuha na nila ang tig P20,000 nga pondo kag napangitaan na sang bulos nga bag-o nga duha ka benepisyaryo.
Ang sa Bago nga barangay naman suno kay Sablan nakuha naman balik kay ang punong barangay mismo ang nagpadulong sa Liga ng Barangay Office matapos nga mag lupok ang issue kag gin-uli man ang pondo.
Anak sang punong barangay suno kay Sablan ang isa sa mga benepisyaryo.
Sa barangay sa Moises Padilla, suno kay Sablan nagpahibalo na ang natungdan nga punong barangay nga i-uli ang pondo, kag natalana nga kuhaon nila balik ang pondo suno kay Sablan. Himata sang punong barangay ang isa sa mga benepisyaryo.
Suno kay Sablan, luyag niya nga ma clear naman ang mga natungdan nga punong barangay gikan sa issue.
Sa mga wala pa maka release sang pondo para sa amo nga scholarship program naga pahanumdom si Sablan nga likawan na dapat nga ang mapili nga benepisyaryo himata sang barangay official – elected man ukon appointed.
Damlag pa ginsiling sang DILG nga isa sa mga pagsulundan sa pag pili sang benepisyaryo para sa amo nga programa amo nga dapat hilway ini sa conflict of interest, nepotism ukon favoritism.
Tig P20,000 ang mabaton sang lima ka mapili nga scholar sang barangay sa amo nga programa sa idalom sang Office of the President.
“Mga reklamo especially ang mga bata gid bala sang kapitan ang nakabaton, gina pabalik ta gid ya. Tanan nga mag lab-ot sa amon opisina, ginakadtuan gid nakon kag gina kuha. Actually gina pa prepare na sila namon sang substitute, sang baylo, kun ara naman lang man panason namon ang ngalan gina butang namon ang link sa bag-o, tapos ihatag namon sa bag-o, pero kun wala ginakuha gid namon”, suno kay Sablan.
[sibwp_form id=1]