Mga kumboyahan kasubong sang ilimnan ginapaandaman sang siudad nga indi magbaton sang menor de edad kag magbaligya sang ilimnon.
Gina monitor man karon pati mga hardware nga nagabaligya sang solvent sa mga kabataan.
Indi lang mga ilimnan ang gina-monitor karon sang katapo local council for protection of children, pati mga bilyaran, computer shops kag iban pa nga kumboyahan nga ginadumilian ang mga menor de edad ilabi na sa oras sang klase ang ginapaandaman man karon sang siudad.
Suno kay Councilor Celia Flor, pamuno sang Committee on women, gender, family and childcare sang konseho, nakasaad sa City Ordinance 326 nga indi pwede mag operate ang mga bars, mga amusement place kasubong sang bilyaran, computer arcade kag pati casino kag betting areas malapit sa mga buluthuan nga sakop sang 200 meter radius.
Ang kabarangayan ang ginahaylo man sang vice-chairperson sang LCPC nga hugot nga magmonitor sa ila nasakpan agud mapaiway ang mga menor de edad nga magsulod sa amo nga mga komboyahan ilabi na nga nagahilapit ang pagbukas sang klase.
Kabahin man sa ginatagaan atensyon sang komitiba ang nagaduging nga mga solvent boys sa siudad.
Gani gina-ayo man ni Flor ang mga tagdumalahan sang hardware nga mangin responsable sa pagbaligya sang volatile substance ilabi na nga ginadumilian ini sa mga minors sandig sa City Ordinance 328.