Viral sang Biyernes sang gab-i ang ini nga mga litrato nga kuha ni Jhona Belle Gerasmo sang Silay City sang iya nga mga himata nga mga kabataan nga nagsaka sa puno sang mangga.
Naga pangayo sila sang tabang mga ma rescue sa luguay sa Barangay balaring bangud naglab-ot na sa atop sang ila nga balay ang tubig baha.
Sabado sang aga na rescue ang amo nga mga kabataan sang rescuers sang Silay City.
“Ginbutangan taytay sang akon bata nga maka tabok kami sa kahoy isa lang ka oras nag usos naman ang tubig,” suno kay Gerasmo
Ang karsada padulong sa Barangay Hawaiian gina baha sa gihapon Sabado sang aga.
Ang mga balay sa higad sang Malisbog River ginpang sulod sang baha.
Pagkadto didto sang digicast negros amon naabtan nga lunang ang gina sag-a sang mga residente pagwa sang ila nga balay.
Bata kag tigulang naga binuligay sa pagkuha sang mga lunang. Ang mga pagkabutang nga nagsalom sa lunang kag tubig gina pang bulad.
Naglapaw kuno sa ila nga mga atop ang baha.
Sang New Year amo amn sini ang ila sitwasyon. Iban sa ila bag-o lang nakatapos paninlo sang balay, may bag-o na naman nga tilinluan.
“Halin pa sang New Year nga paninlo wala pa matapos hasta subong take, balik naman se zero. Kun sa kapoy kapoy gid eh galling wala ta may mahimo,” suno kay Rogelio Mayo, binaha.
Sa Silay City Civic Center may halos dos siyentos ka mga evacuees nga nagpaligad sang gab-i.
Isa diri ang 71 anyos nga si Lucita Libuna. Bag-o lang siya naka gwa sa ospital matapos ma cardiac arrest. Ginabudlayan siya sang iya sitwasyon pero wala man siya may mahimo.
“Budlayan man eh anhon mo na karon kay ang tubig to sa amon asta diri ang tubig ho,”
Lucita Libuna, nag evacuate.
Suno sa kay Punong Barangay Hazel Cordero sang Barangay Mambulac, barado ang mga drainage amo kun ngaa ginabaha sila sa ila nga barangay.
Sa Canetown Subdivision sa Victorias City…masako ang pagpaninlo sang mga balay sang mga resident. Lapaw man kuno sa ulo ang tubig sa pila ka bahin sang ila nga lugar.
Si Russel Aventura nga amon man naabtan naga paninlo sang iya balay sang New Year kay ginbaha, ang liwat na naman nga naga paninlo sang ila nga balay nga ginbaha liwat
Sa ila nga garahe makita ang natumba nga ref bangud sang baha. May lamesa nga nag tungtung sa ibabaw sang motorsiklo kag may trisikad man nga natumba.
“Sugod na naman liwat, ang ubra dugang lang nga dugang. Waay pa natapos ginbahaan naman liwat, backt o zero naman,” suno kay Aventura, binaha.
Sa sini nga motorcycle shop indi magnubo sa napulo ka mga motor ang ginbaha.
Ginpakaayo ini matapos nga mabahaan sang new year, wala pa makuha sang tag-iya, liwat na naman nga nagsalom sa baha gani may liwat na naman nga ulubrahon sang tag-iya sang shop.
“Kayo na na tani kaso nabahaan naman liwat, ang iban nakayo na na. Ang iban wala lang nakuha. Bale mabungkag naman kag change oil,” suno kay Sherwin Solatorio, motorcycle repair shop owner.
Magluwas sa Silay kag Victorias City, ginbaha man ang Talisay City, EB Magalona, Manapla, Cadiz, Sagay kag Escalante City.
May kapin sa stentay sais mil ka mga residente ang na apektuhan sang baha kag malapit sa kinyentos ka mga balay ang nagkala wasak. May mga taytay nga nagkala wasak man kag indi malabyan.
Tubig gikan sa kabukiran dala sang malawig nga pag ulan ang nagdala sang baha sa mga banwa kag siudad.
May mga netizens nga ginmuno nga ang pagpangutod sang kakahoyan sa kabukiran amo ang rason kun ngaa gina baha ang mga banwa kag siudad sa norte.
Sa Victorias kag Talisay City gin suguran na ang dredging sa mga suba bangud barado na sang duta kag basura nga amo kun tani ang alagyan sang tubig pagwa sa mga baybay.