Mga estudyante nga gin-bash matapos maghatag sang negative review sa isa ka cafe maga pasaka sang reklamo batuk sa ila nga mga bashers.
Nag trending ang isa ka cafe bar sa 8th Lacson Street matapos manindugan upod sa ila mga staff sa nabaton nga negative review sang walo sa napulo ka mga estudyante nga nag istambay sa sulod sang kumbuyahan sang nagligad nga Biyernes.
May mga netizens kag mismo cafe owners nagpalab ot sang suporta sa cafe sa pagpati nga indi man ensakto ang ginhimo sang mga estudyante nga nagbakal sang duha ka drinks kag nag akupar sang tatlo ka mga lamesa.
Nag-reach out na sa management sang cafe ang mga college students nga wala man gin-identify sa ila IG post.
Ginpahayag sang mga estudyante nga nag istambay sila sang makadali sa amo nga cafe bar kag hana naman nga maghalin sang ginsirad-an sila sang bintana kag ginpatyan sang electric fan sang mga staff rason nga naghatag sila sang negative review.
Natungod man sang natabo nakabaton sila sang pagpang bash asta nga gina atake na sila ka ginapakahuy-an sa social media.
Handa ang mga estudyante upod sa ila mga ginikanan nga i-reklamo sa ang nagpadala sa ila sang indi manami nga nga komento.