Indi lang mga health workers ang naka eksperyensya sang diskriminasyon bangud sang COVID-19 kundi pati mga empleyado sang gobyerno.
Suno sa human resource officer sang siudad sang Bacolod nga si Eman Aguirre, indi man basta basta ang inagyan sang mga empleyado sang siudad bangud kadamo sa ila ang nag positibo sa COVID-19, may tiun nga ang iban sa ila wala gina pasulod sa bangko kag sa mga commercial establishments bangud may nag positibo sa COVID-19 sa ila departamento.
Isa ini sa mga rason kun ngaa nagpatigayon ang Human Resource Management Services Office, in coordination with the Vice Mayor’s Office and Office of Councilor Cindy Rojas, sang mental health kag psycho social support activity para sa department heads kag mga empleyado sang siudad.
Suno sa kay Professor Calvin Dave Ganub, isa ka registered guidance ccounselor, ang mga city employees nga makabig man bilang front liners gani naga kaangay lang nga ipaidalom man sila sa workshop nga daw kasubong sang debriefing
Anum ka adlaw ang series of workshops kag nagkalain lain nga mga departmento kag empleyado ang magapasakop diri.