Indi magnubo sa tres mil ka PNP personnel kag tropa sang militar ang iga deploy sini nga eleksyon.
Ginsugdan na sang militar ang ila nga deployment kag padayon ang adjustment suno kay Brigadier General Inocencio Pasaporte.
Pagatutukan ang mga lugar nga may yara sang threats gikan sa rebeldeng NPA, labi na ang mga yara sa nabukid nga bahin.
Ilakip ang CAFGU, may 1,800 ka tropa ang kabilugan nga iga deploy sa pag pasiguro sang malinong nga piniliay. Padayon pa sa karon ang clearing operation sang militar suno kay Pasaporte.
Samtang, may tig-duha naman ka PNP personnel ang iga deploy sa kada voting center suno kay acting elections supervisor Roberto Salazar, may 743 ka mga voting centers sa probinsya lakip na ang Bacolod City.
Wala labot diri may mga quick response force man nga naka standby. Sa pagsinapol kaina, suno sa Comelec nakahanda na ang tanan para sa Mayo 9.
Ang mga katapo sang disaster risk reduction management teams ang naka heightened alert sa eleksyon kag ang BFP maga deploy man sang ila nga personnel.