Herd immunity ang kinahanglan para magbalik sa normal ang pagsinalayo sang mga Bacolodnon.
Ini ang ginpahayag ni Bacolod City Mayor Evelio Leonardia sang siya ang nangin dinapit nga bisita sa awarding sang best dancing traffic enforcer sang siudad.
Suno sa alkalde, may nagakaigo ang siudad nga supply sang bakuna sa subong kag diutay na lang ang naga pabakuna.
May manug abot pa gid gani nga AstraZenica vaccines nga gin bakal sang siudad.
Ginaliwat sang alkalde ang iya paghaylo sa mga bacolodnon nga magpabakuna ilabi na karon nga ang kalabanan sa mga naga kalamatay tuga sang Covid-19 ang wala mabakunahan.
Suno man pa sa alkalde, yara na sa sisenta porshento sa karon sang target nga mabakunahan ang tigayon na nga nabakunahan sa bacolod. Naga laum siya nga malab-ot na kun tan sang siudad
ang herd immunity para maka amat amat na balik sa normal ang pagsinalayo sang tanan.