Natalana nga magasapol liwat si Mayor Albee Benitez sa mga opisyal sang Baciwa-Primewater angut sa pagpangita sang pagpangita sang water source agud nga masolbar ang kakulang nga supply sang tubig kag ang kolor ice tea nga water supply nga ginareklamu man sang mga kunsomidor.
Kabahin ini sa 133 ka mga reklamo nga nabaton sang alkalde pinaagi sa online isugid mo kay mayor : Citizen Water Watch.
Ginmandu sang alkalde sa tagdumahalan sang water utility firm nga padasigon ang pag-rehabilitate sang mga daan kag guba nga pipeline nga amo man ang kabangdanan sang mahigko nga water supply kag sang pagsaka sang revenue loss.
Suno kay Benitez, may 746 kilometer nga mga daan na nga pipeline ang Baciwa-Primewater kag kapin 4.5 kilometer pa lang ang napang-ilisan.
Ang Baciwa-Primewater ang nagaplano man magabakal sang dugang nga generator sets para sa 66 ka mga water substation agud nga mangin tayuyon ang supply sang tubig kag indi man maapektuhan ang kalidad sang tubig kada mag-brown out.