Pamuno sang extraction team sang Bacolod City Emergency Operation Center nagapangabay sa mga Covid-19 positive kag sa ila himata nga mag-kooperar sa baylo nga magpangatubang pa sang kaso.
Ginpaayo na sang katapo sang Emergency Operation Center ang walo sa katapo sang panimalay sa Barangay Sum-Ag nga nagpositibo sa Covid-19 nga mapaisol ang pagsaylo sa ila sa isolation facility sang Martes.
Pero kaina ginsiling ni Punong Barangay Rodney Carmona nga nagpamalibad liwat nga magpa-extract ang pamilya bisan ginpaathagan na sila sang katapo Barangay Health Emergency Team sa risgo nga ila ginapangatubang.
Isa abi sa ila ang Covid-19 delta variant probable sandig man sa record sang EOC.
Suno kay Ernie Pineda, pamuno sang extraction team, nagalab-ot na karon sa 13 ang ila backlog bangud madamo sa mga Covid-19 positive ang nagapamalibad magbalhin sa isolation facility.
Pero bangud sini mapilitan man sila upod sa barangay nga ipa-blotter ang ang mga wala nagatuman sa layi agud mapasakaan sila sang kaso sang City Legal Office.