Nagdangat sa masobra P40 million ang kahalitan sa humayan kag maisan dala sang El Niño sa Negros Occidental.
Sa report sang Department of Agriculture Negros Island Region, may 1,338 ka ektariya sang humayan ang na halitan. Halos 42 ka ektariya diri ang totally damaged ukon no chance of recovery.
Ang nabilin partially damaged ukon may yara pa sang chansa nga maka recover. Suma tutal nagdangat sa P35.9 million ang kahalitan sa humayan.
Suno kay Engr Marion Tagle ang Disaster Risk Reduction Management Chief sang DA NIR ang balor sang kahalitan naga tumod sa gin gasto sa production kasubong man sa kuntani ginapaabot nga balor sang ma ani.
Paathag niya, halos kalabanan sa sining nga talamnan ang rainfed ukon naga salig sa ulan. Wala man sila sang may nabaton nga report nga kahalitan sa humayan nga may yara sang irigasyon. Ini nga mga talamnan ang nahamtang sa Cadiz, Escalante, Hinigaran, Ilog, Kabankalan, La Castellana, Moises Padilla, Sagay, San Carlos, Toboso kag Don Salvador Benedicto.
Sa maisan naman nagdangat sa P4.2 million ang balor sang kahalitan. Ini gikan sa Toboso kag San Jose sa Negros Oriental.
Suno kay Tagle gina hulat pa nila ang report gikan sa iban nga LGU labi na sa Negros Oriental nga may mga talamnan nga naga salig lamang sa ulan.
Naga duso ang DA nga mag diversify. Mag tanom sang drought resistant crops nalakip na diri ang mga kararuton.
“Actually ang gina expect namon nga ma hit gid man, mas daku gid ang damage, ang sa northern part naton, atong mga area nga non-irrigated. Amo gid na sila ang vulnerable. Possibly northen part of Negros Occidental then ang mga rainfed area naton. Ang gina hulat namon ang daku-daku man nga part sa Negros Oriental mostly mga rainfed and non-irrigated man na da ang areas naton. Mag sulod ang data basi mag daku pa gid, mag increase pa gid ang damages naton,” suno kay Tagle.
[sibwp_form id=1]