Isa ka simulation exercise ang ginpatigayon sang pamunuan sang Rafael Alunan Elementary School kabahin sang pagpanghanda para sa pagpatuman sang limited face to face classes sa kinder, grade 1 asta grade 3.
Ang Rafael Alunan Elementary School isa sa anum ka mga eskwelahan sa Bacolod nga pasado sa evaluation sang DepEd regional office 6, tiglawas sang local government unit kag Department of Health.
Suno kay school principal Ana Lyra Caunga, ang simulation activity upod sa mga estudyante kag mga ginikanan ang tikang para mangin masulhay ang pagbalik sa eskwelahan sang mga estudyante sa madasun semana.
Ang USLS-Integrated School isa man sa mga eskwelahan nga ginpahanugutan sang DepEd nga pwede na makasugod sa limited face to face classes sa Bacolod.
May dise otso tanan ka mga buluthuan ang gina evaluate sang DepEd Regional Composite team para sa ginalauman nga pagpatuman sang in-person classes sa idalom sang alert level 1 sa siudad.