May pagsaka man sa occupancy rate sang Covid designated hospital sa siudad sang Cadiz.
Sa pinaka ulihi nga datus sang probinsya nagsaka na sa 62 ang na admit sa ospital sa Cadiz, ukon 66.67 percent sa karon ang occupancy rate sini.
Paathag ni provincial administrator Rayfrando Diaz, ang kalabanan nga gin-admit sa amo nga ospital mga pasyente nga gikan sa iban nga bululngan nga kuntani dapatan sang lain nga medikal nga atensyon bangud sang mga nanari-sari nila nga mga kaso kasubong sang mga maga panganak, ugaling sila ang natukiban nga nag positibo sa virus.
Ini ang rason kun ngaa sila ang gindala sa Covid designated hospital sa Cadiz. Padayon ang pasaka sang Covid-19 case sang probinsya, sa January 17 nga report sang Provincial Incident Management Team, 1,102 ang active cases kag gina lantaw ang local transmission sa mga kaso.
Wala pa sang may na report nga omicron variant karon sa Negros Occidental.