Ini ang bilang pag pangaman sang siudad sa ginapaabot nga tig-ululan sa ma sunod nga mga binulan.
Ginsiling ni Mayor Greg Gasataya nga ginahatagan sang siudad sang daku nga pagtamod ang pagkutkot sa amo nga suba humalin Oktubre 21 sang tinalikdan nga tuig, bangud ini ang masami nga naga-awas kag nagtuga sang malapad nga pagbaha sa siudad.
Madumduman nga masami gina igo sang flash flood ang Purok Carvic sa Barangay Mandalagan kon magbunok ang ulan bangud naga-awas gilayon ang Mandalagan river.
Ginagamit na sang CEO ang mga heavy equipment nga ginbakal sang siudad agud mapadasig ang desilting sa mga mayor nga suba.
Nagligad nga Huwebes kag Biyernes, kapin sa 10 ka truck sang basura kag balas ang nakuha sang CEO-Motorpool kag Rapid Drainage Response Team sa Mandalagan River.
Suno sa alkalde, ginapadali sang siudad ang pag desilt sa amo nga suba samtang wala pa nagsugod ang tig-ululan.
Malapit naman matapos suno sa iya ang flood wall nga ginpatukod sang Department of Public Works and Highways sa amo nga suba.
Padayon man sa karon ang desilting operation sang DPWH sa Lupit River kag Mambuloc Creek.*
[sibwp_form id=1]