May 1,213 ka mga baboy sa Negros Occidental ang nagkalamatay bangud sang masakit.
P14.4 million pesos ang balor sang mga nagkalamatay nga baboy.
Ini base sa datus humalin May 20 tubtob June 22 nga gin-release ni Provincial Administrator Rayfrando Diaz.
4.06 percent ini sa 29,880 nga total hog population sa Negros Occidental.
Indi mahibaluan kun pila sa sa 1,213 ka mga baboy ang nagkalamatay bangud sang African Swine Fever ukon ASF.
Ginkumpirma ni Governor Eugenio Jose Lacson sini nga semana ang liwat nga pagbalik sang kaso sang ASF sa Negros Occidental.
May mga kaso sa norte kag sur sang probinsya pero suno sa iya yara na sa mga natungdan nga alkalde ang pag announce sini.
Ang banwa sang San Enrique ang may ASF cases suno kay Mayor Jilson Tubillara.
Ang banwa sang La Castellana ang nag patuman na sang Lunes sang pork ban. Nagpahamtang na sila sang mga checkpoints sa mga boundary kag entry points.
Ang iban nga mga LGU kaangay sang Talisay ang naga pangaman man paagi sa pag pabaskog sang ila man nga measures.
Sa pihak nga bahin ang probinsya sang Capiz ang nagpatuman sang pork ban kasubong man pagdumili sang pagsulod ukon labay sang mga salakyan nga ang origin gikan sa may mga kaso ukon suspected nga kaso sang ASF kaangay sa Negros Island.
[sibwp_form id=1]