Digicast Negros

Masobra na sa 10% ang fully vaccinated sa Negros Occidental

Sa 1.4 million nga target bakunahan sang Negros Occidental, masobra sa 10 percent diri ang fully vaccinated.

Sa datus sang probinsya, as of August 9, 154, 539 ang fully vaccinated.

Suno kay Atty Rayfrando Diaz, ang provincial administrator, sa A1 category, 121% sa target ang nabakunahan, sa A2 naman 55 % ang nabakunahan kag sa nagligad nga semana nga datus 134 percent ang nabakunahan sa A3.

Agudto nga maka idog sa A4 gamit ang donated vaccines, suno kay Diaz, importante nga matutukan ang mga senior citizens ukon yara sa A2.

Ang kabudlayan sa pag giho kag pag gwa sa ila nga mga balay kasubong man pangduha duha sa bakuna ang naga panguna nga mga rason kun ngaa manubo sa gihapon ang vaccination rate sa mga senior citizen.

Samtang, halos naubos na ang Astrazenaca, Janssen kag Sinovac vaccines nga damlag pa nag abot sa probinsya. Kaina may 10,000 ka Sinovac kag 10700 ka dose sang Moderna vaccines ang nag abot kag ini ang gilayon nga i-roll out.

Gina finalize pa ang sa bahin sang moderna kun bala ang pagbakuna patigayunon sa Negros Residences kag provincial hospital sa Silay bangud sang cold storage requirement sini.

Exit mobile version
Skip to toolbar