Tanan nga mga vendors ukon nagabaligya sa public market sang San Carlos City ang ginmanduan nga mag pabakuna sang Covid-19 vaccine.
Sa executive order nga gin papanaog ni Mayor Renato Gustilo, sumugod Nobyembre 30, indi na makasulod sa Jose Valmayor, Jr. Public market ang mga naga baligya kun wala sila nabakunahan.
Suno kay Gustilo ang tanan nga maga sulod sa merkado lakip na ang mga manugbakal dapat mag pakita sang ila nga Covid-19 vaccination card. Sang Oktubre 19 nagsugod na ang City Health Office sang pagbakuna sa mga wala pa nabakunahan nga mga vendors.
May masobra sa 140 ang nag pabakuna suno sa alkalde. Kun may yara gid man sang mga nagpamalabag suno kay Gustilo may mga walo ini sa ila. Padayon ang panawagan ni Gustilo sa publiko nga dapat magpabakuna agudto malambot ang herd immunity para maka balik na sa normal ang tanan.
“Indi na sila maka sulod kun indi sila fully vaccinated. (pati manugbakal mayor?) Manugbakal kag naga paninda. So far okay naman ang response sang publiko. Galing mapili lang gid sila sa Pfizer. Compared to other brand,” suno kay Gustilo.