Nakit-an nga naga-utaw-utaw ang bangkay sang isa ka mangunguma sa baybayon sang Punta Cruz, Barangay Población sa banwa sang Toboso, Lunes sang hapon.
Suno sa ginikanan sang biktima, kinaandan ni Emanito Carmelotis nga mag-inom kag manindahan sa merkado sang Toboso.
Sang Lunes, wala nakapauli si Emanito kag nasapwan na lamang siya nga wala na sang kabuhi.
Ginsiling ni Police Lt. Antonietta Loraez, deputy chief sang Toboso PNP, wala sila sang may nakita nga foul play sa insidente. Posible suno sa iya nga nahulog ang biktima sa dagat sa likod sang Toboso Public Market.
Kantilado kag batuhon ang baybay suno kay Loraez, gani posible nga ang mga bagras sa lawas sang biktima ang tuga sang iya pagkahulog.
Suno sa kapulisan, ginpaidalum sa post-mortem examination ang lawas sang biktima kag pagkalumos ang gintunaan sang iya kamatayon.