Ang mga tupad balay, nagbinuligay paagi sa “bucket brigade” ukon pagpasa-pasa sang mga balde nga may unod nga tubig, agud mapalong ang kalayo nga naglamon sa isa ka balay sa siudad sang Sipalay.
Treinta minutos lang nga nakahalin ang tagbalay nga si alyas “Rang”, sa iya puluy-an sa Purok 3, Barangay 2 sa Sipalay agud nga mag-obra, sang nag-ibwal ang kalayo.
Magamay ang dalan pasulod sa balay, gani may kabudlayan ang mga bombero, apang ila man napangitaan paagi nga ma-penetrate ang nagakasunog nga balay.
Ginsiling ni Fire Officer 1 Dennis Villarma, fire arson investigator sang Sipalay City Fire Station, dako ang bulig sang mga pumuluyo sa madasig nga pagpatay sang sunog.
Padayon pa ang imbestigasyon sa gintunaan sang kalayo, nga ang kahalitan nagdangat sa P360,000.
Wala sang may nasamaran sa insidente.
“Pagsulod to kay suludlon ang balay tapos ang iya nga dalan is daw isa lang ka tawo ang makaagi or mga one-meter lang ang kalapadon amo na nga budlay sudlon.. Indi man gid to siya fire hazard kay malab-ot lang man to gihapon sang hose sa firetruck. Pero okay naman to kay na-ediyahan lang man to paagi sa ila gid balay.. Dako gid ang mabulig sang mga tawo nga ara sa tupad balay kay sila ang first responders naton samtang wala pa kami. Sila lang anay kung makaya sang bucket brigade, i-anhon gid”, suno kay Villarma.*
[sibwp_form id=1]