Probinsya sang Abra ang gintay-og sang magnitude 7.3 nga linog. Ang linog ang mas mabaskog pa sang sa nagluntad nga pagtay-og sa isla sang Negros sang 2012.
Mga litrato sang mga old structures nga nawasak, mga salakyan kag mga indibidwal nga nagkalapilpilan kag landslide sa pila ka mga probinsya sang Luzon ang pila lang sa mga laragway nga
nagalapta sa social media nga nagapakita sang halit sang nagluntad nga magnitude 7 nga linog kaina sang aga.
Sandig sa advisory sang PHIVOLCS, naglab ot sa intensity 7 ang nabatyagan nga pagtay og sa probinsya sang Abra nga isa sa labi nga nahalitan sang linog.
Tectonic in origin ang linog.
Nagapadayon karon ang rescue kag retrieval operation sang National Disaster Risk Reduction Management Council kadungan sang ginapatuman nga mass evacuation sa mga apektado nga lugar sa Northern Luzon.
May isa na ka kumpirmado nga patay sa Luzon suno sa NDRRMC.
Ang pagtay og sa Luzon ang mas mabaskog pa sa magnitude 6.7 nga linog nga naghalit sa pila ka mga banwa kag siudad sa Negros sang 2012.
May 52 man ang nagtaliwan kag masobra isa ka gatus ang sadto nasamaran sa linog sa Negros Oriental.