Patay ang 34 anyos nga si Anthony Ventorillo matapos labuon sang Dominggo sa Barangay Bantayan sa Kabankalan City samtang pilason naman ang iya utod nga si Marlon nga ma tambag kun tani.
Sa imbestigasyon sang Kabankalan PNP, ang mag utod nga lunsay naka inom ang nag padulong sa balay sang suspek nga si Anjun Alcantara kag ila gina pangita ang iya sini nga tiyo.
Nag baisay suno sa pulis si Anthony kag ang suspek bangud sa wala sa balay ang ila sini gina pangita kabangdanan nga nalabo ni Alcantara ang biktima.
Ma tambag man kun tani suno sa pulis ang utod sang biktima pero siya ang gin pulihan sang mga kaingod sang suspek amo nga siya ang pilason man.
Kaso nga murder ang ipasaka sang pulis batuk sa suspek nga at large pa sa karon.