Sangguniang Bayan sang Isabela paagi sa kay Vice Mayor Renato malabor, Jr ang ginmanduan sang probinsya nga aktuhan ang annual budget sang banwa.
Nabaton sang Pebrero 23 sang Sangguniang Bayan ang direktiba ni Governor Eugenio Jose Lacson sa pag-comply sa DILG Memorandum Circular 2022-004, ilabi na ang sa bahin sang legislative authorization sang budget.
Nagakasayuran nga dapat unahon sang konseho ang pag talakay sang pag pasar sang budget agudto indi maapektuhan and mga developmental intiatives kag fiscal reforms sang banwa.
Damlag pa, nagsulat si Mayor Irene Montilla sang Isabela sa Sangguniang Bayan agudto ma aktuhan sa mas madali nga panahon ang annual appropriation ordinance para sa 2022. Nahatagan sang kopya ang probinsya kag ang DILG sang amo nga sulat ni Montilla.
October 15, 2021 na submit sang Mayor’s Office ang budget sa SB, pero wala pa sa gihapon napasar ini kag wala man sila nakahatag sang sabat sa gina hinyo sang alkalde bahin sa status sang budget.
Angut diri ang mando sang gobernador nga kabahin sang iya nga supervisory power sa mga component cities kag municipalities sa probinsya sa idalom sang Section 29 sang Local Government Code.
Sang nagliligad nga semana, nag rally ang mga job order workers sang Isabela matapos wala ma sweldohan, pending sang pag pasar sang budget.
Samtang, wala makasabat si Vice Mayor Malabor sa pag pakig-angut sang Digicast Negros bahin sa amo nga mando ni Governor Lacson.