Bacolod Councilor Dindo Ramos kag iya misis ang nakagwa na sa ospital matapos nga magpositibo sa Covid-19.
Ginpahayag ni Councilor Al Victor Espino pagkatapos sang ila virtual session sang Sangguniang Panlungsod kahapon nga nakapauli na sa ila balay si Ramos kag ang iya asawa gikan sa ospital.
Ini matapos nga magpositibo sa Covid-19 ang konsehal kag iya asawa duha ka semana ang nagkaligad.
Tuman naman ang pagpasalamat sang kaupod nga mga konsehal ni Ramos nga nagbulig sa pagpangamuyo para sa madasig niya nga pag ayo kag sang iya asawa.
Ginpahayag naman ni Vice Mayor El Cid Familiaran nga bisan virtual kada semana ang ila nga session dapat sa gihapon nga magdoble sa paghalong ang tanan nga katapo sang SP agud mapangapinan ang ila ikaayong lawas.