Isa ka investigation sa Sugar Order number 4, angut sa kuntani pag import sang 300,000 metric tons sang kalamay ang patigayunon.
Ini ang ginduso sa ginsakdag nga briefing para sa SRA Sugar Order number 4, nga ginpatigayon kaina sa mga katapo sang Committee on Good Government and Public Accountability kag Committee on Agriculture and Food sang kongreso.
Suno kay 4th District Representative Juliet Marie Ferrer, nga isa sa mga nagtambong, sa masunod nga meeting, ukon sa Hwebes sugdan ang pagpatigayon sang investigation.
Suno kay Ferrer si Abang Lingkod Partylist Representative Stephen Paduano amo ang nag duso sang moto proprio investigation.
Ginduso naman ni Ferrer ang pag resign sang nabilin nga mga signatories sa Sugar Order number 4.
Damlag pa nag resign na si Agriculture Undersecretary Leocadio Sebastian kasunod sang pag pa gwa sang pahayag sang Malacanang nga iya iligal nga gin lagdaan kag gin issue ang Sugar Order Number 4.
Naghatag man sang iya nga resignation letter nga napetsahan Agosto 14, si Atty. Roland Beltran bilang Millers representative sa SRA Board. Health reasons ang iya nga gin-cite sa iya nga resignation kag ang amo nga lihok ang wala sang prejudice sa imbestigasyon nga gina patigayon angut sa Sugar Order number 4 suno sa iya.
Nagapadayon naman pungko sa pwesto kanday SRA administrator, Hermenegildo Serafica kag Aurelio Gerardo Valderrama, Jr bilang Planters’ Representative sa Sugar Board.
“Ang question ko po sana is yung mga hindi pa po nag re-resign, bakit hindi po sila mag-resign, as a matter of delicadeza, yung sinasabi ni Congresswoman France Castro, I join her po with that question po”, suno kay Ferrer.
Yara man sa briefing sanday Rep Dino Yulo sang 5th District kag Franciso Benitez sang 3rd District, nga nag tambong via zoom.
Ginpamunuan nanday Rep Mark Enverga, Committee on Agriculture chair kag Rep Rida Robes, Committee on Good Government Chair ang briefing.