Katapo sang army patay sa encounter sa Negros Oriental

Patay ang isa ka soldado samtang pilason ang iya upod sa nagluntad nga apat ka asud-asud nga engkwentro sa tunga sang Philippine Army kag New People’s Army sa Barangay Santo Niño sa Tanjay City, Negros Oriental, Domingo sang aga, Pebrero 15.

Ang una nga engkwento nagluntad las 5:35 sang aga, kag ginsundan sang tatlo sa separado nga mga engkwentro.

Ang napatay nga soldado nga si Corporal Reynold Gardoce, 29-anyos, taga Tapaz sa Capiz. Miyembro siya sang 11th Infantry Battalion.

Samtang, ang pilason isa ka private first class, naga-edad 28-anyos. Siya ang gindala sa ospital.

Suno sa report, wala nakaangkon sang igo ka bala ang private first class apang bangud nagluntad ang pagbayluhanay sang lupok sa pil-as, siya ang naiguan sang bato.

Sa report sang 3rd Infantry Division, naka-recover sa encounter sites ang militar sang mga granada, long kag short magazines sang M16 rifles, isa ka magazine sang caliber .45, mga bala, personal nga pagkabutang kag iban pa nga mga dokumento.*

[sibwp_form id=1]