Gin-alegar nasalisihan ang isa ka fruit vendor sa dalan V Gustilo, San Carlos City sa Negros Occidental kag kapin sa kinyentos mil pesos kag mga alahas nga nakasulod sa bag ang nakawat.
Nagatanyag karon sang cash reward ang pamilya sang manugbaligya prutas sa makatudlo sa mga suspek.
Sa kopya sang mga closed-circuit television camera, makita ang pila ka tawo nga may mga dala nga ecobag. Nagapati ang himata nga grupo ang may kahimuan sang krimen.
Suno sa himata, nahagip sa isa ka CCTV footage nga ginsulod sang babaye ang bag sang iya tiya sa sulod sang eco bag.
Nagadali-dali lakat ang nasambit nga babaye.
Ginsiling ni Police Capt. Rodney Sarona, deputy chief sang San Carlos PNP nga ang modus sang mga suspek amo ang pag-distract sa biktima paagi sa pagpamangkot parte sa prutas agod indi ini makadepara.
Gina-review kag ginapa-enhance pa karon sang San Carlos PNP ang kopya sang CCTV kag sila ang nagatipon pa sang mga litrato sang mga salisi suspects sa iban nga police stations agod ipa-identify sa biktima.
“Kay miski ang tag-iya sang bag indi siya ka-determine kung sin-o gid ang nagkuha. Iya na lang na-notice nga nadula. Wala gid siya sang may nakita nga aktwal nga nagkuha sang iya bag. Iya lang nadumdoman nga ginbutang niya sa sulod. Ang iya version may nagbakal nga tatlo ka persona, nag-inquire sa prutas. Gina-remind gid naton ang mga vendors nga ang ila mga bag halungan gid kung may ara valuables i-safety gid kay ang mga tirador na, gapangita man lang na opportunity kag gapangita sang biktimahon,” suno kay Sarona.*
[sibwp_form id=1]