Patay ang Barangay Kagawad nga si Joemarie Maniego, 60-anyos matapos nga masagaid sang truck sa Brgy. Banago siudad sang Bacolod, Huwebes sang aga.
Ang driver sang truck ginkilala sa kay Rodrigo Recader sang Victorias. Suno sa kay Police Major Ramel Sarona ang hepe sang Traffic Management Unit, gikan sa norte nga direksyon ang truck kag ini ang padulong sa sur nga direksyon, si Maniego naman nga sakay sa motorsiklo ang gikan sa pihak dalan kag gina-alegar nag overtake sa truck.
Dugang pa ni Sarona, may karga nga sako nga may unod nga mga butane ang biktima kag ini ang nasangit sa truck kabangdanan nga nadulaan sang kontrol ang kagawad sa iya motor kag nalampos ang iya nga ulo sa sementado nga dalan. Dead on the spot ang kagawad bangud sang seryoso nga pilas nga naagum sini sa ulo kag lawas. Suno sa PNP may insiyal na nga pag aregolohanay sa tunga sang pamilya sang kagawad kag sa drayber sang truck.