Antes pa man nagsugod ang klase naka-sugod na panglimpyo sa buluthuan ang mga manunudlo kag mga ginikanan sang Andres Bonifacio Elementary School 2.
Pero tubtob karon nagapabilin nga palaligban nila ang likod sang school building nga ginhimo nga temporaryo nga impounding area sang kaiping nga Police Station 2.
Malapit lang man abi sa mga classroom nga ginagamit sang mga estudyante ang mga gintambak nga mga motorsiklo.
Wala man nahawanan ang nagadabong nga mga tanom kag hilamon nga ila ginakabalak-an istaran sang lamok.
Paathag ni Police Capt. Glen Montaño, hepe sang Police Station 2, temporaryo anay nila nga gingamit ang portion sang propedad sang eskwelahan para sa mga gina-impound nga motorsiklo samtang ginakaayo pa ang dalan sa atubang sang police station sa dalan BS-Aquino drive kag Aguinaldo.
Pero nagpasalig naman siya nga malimpyohan ang lugar kag ma-amat amat pangitaan sang masaylohan ang mga nabilin nga motorsiklo nga wala pa makuha sang mga tag-iya sa impounding area.