Convention ukon trade center sa baylo nga coliseum ang luyag padayunon ni incoming mayor Albee Benitez.
Amo nga tuyo niya nga ma re-purpose ang P800 million pesos nga load agud nga magamit pa ang pondo para sa dugang nga pagkaayo sang mga merkado sang siudad.
Ginsiling naman ni outgoing Mayor Evelio Leonardia nga dako nga bulig sa turismo ilabi na sa bahin sang sports tourism ang ginatukod nga coliseum project sa Barangay Alijis.
Ini ang mangin pinakadako nga coliseum sa Western Visayas amo nga nagapati man siya nga magahatag sang balance growth ang ginalaum nga atraksyon sa southern area sang Bacolod.
Ini man suno kay Leonardia ang ginaduso sadto sang iya mga anay kaalyado nga karon nagbalhin na sa pihak nga kampo.