Site icon Digicast Negros

House to house vaccination ginsuguran na sa Bacolod

YouTube player

Humalin kaina sang aga, nangin masako ang katapo sang barangay health workers sang Barangay Estefania sa pagkadto sa mga balay sang bed ridden patient nga nagpabakuna.

Kadam-an sa ila mga senior citizen nga nabakunahan sang first dose sang Covid-19 vaccine.

Suno kay punong barangay jerry tingson, ang house to house vaccination pamaagi sang emergency operations center agud mas mapadasig ang pagpalab-ot sang bakuna sa pumuluyo.

May siento singkwenta ka mga bed ridden patient ang target nga mabakunahan sa barangay.

Kaina nagsapol man ang katapo sang EOC upod sa mga punong barangay nga may mataas nga Covid-19 cases.

Ang Barangay Estefania ang nagapangatlo sa may madamo nga kaso sang Covid-19 amo nga naghinyo man si tingson sa EOC para sa pagpatuman sang vaccination program kada weekend.

Sa pagbukas sang vaccination program sa general public plano man sang pamunuan sang Bacolod EOC nga palawigon ang inoras sang vaccination program sa mga mall agud nga mas matagaan sang higayon ang mga luyag magpabakuna.

Sandig sa record sang eoc nagalab-ot na sa masobra shiento sinkwentay dos mil ang fully vaccinated sa Bacolod.

Exit mobile version
Skip to toolbar