Mangin 24/7 na ang ginapatuman nga vaccination program sang Bacolod. Ini bangud target man sang Emergency Operation Center ang pagbakuna sa mga yara sa graveyard shift.
Kabahin sa mga prayoridad sang ginapatuman nga vaccination program sang Bacolod ang mga nagatrabaho sa business process oursourcing company ukon BPOs.
Gani madasun man nga target sang vaccination amo ang mga call center agents nga naga trabaho kun gab-i asta kaagahon ukon mga yara sa graveyard shift.
Sa kabilugan may masobra na sa 4,700 ka mga call center agents sa nagkalain-lain nga BPO company ang nakapabakuna pinaagi sa mga vaccination center sa mall kag mga kabarangayan kag pati na bulig sang vax-i mobile vaccination drive.
May masobra na sa 180 mil ka Covid-19 vaccines ang na-administer sang Bacolod. Lapit 80 mil na ang fully vaccinated.