Patay ang 17 anyos matapos nga ginbuno sa gwa sang ila nga balay sa Carmenville Subdivision sa Brgy. 4, banwa sang Hinigaran sang Domingo sang gab-i.
Suno sa kay Police Lieutenant Voltaire Sy ang Deputy Chief of Police sang Hinigaran PNP, ginsiling sang pamilya sang biktima nga yara sila sa sulod sang balay sang naglagapok ang ila nga puertahan.
Nagsulod ang biktima nga duguon kag nagdiretso ini sa ila nga banyo kag gilayon nga natumba.
Sang ila gin usisa may madamo ini nga buno sa lawas. Ginhingagaw pa dala sa ospital ang biktima apang napatay.
Ang biktima ang gina-alegar nagpalapta sang sex video nga imbulbado ang isa ka menor de edad nga babaye.
Padayon ang imbestigasyon sang PNP sa sini nga kaso.