Ginabulubanta 170 kilos nga blue marlin nadakop sa baybayon sang Sipalay City.
Sa video nga gin post ni Rey Guiljon makita ang kabudlayan sang tatlo ka mga lalaki nga naga sakay sa bangka sa pagbutong pasaka sang Malasugi ukon Blue Marlin nga ila nadakop pinaagi sa traditional nga pamaagi sa pag pangisda gamit ang hook ukon ang boya-boya sa baybayon ang Sipalay City.
Daw matuwas pa ang bangka sa pagkarga nila sang isda sa kabug-at sini.
Gina bulubanta sang Tourism Office sang Sipalay City nga yara sa 170 kilos ang kabug-aton sang isda.
Ang nakadakop sang isda amo si Jhon Mark Lumagbas sang Barangay 2 sang Sipalay nga active member sang Sipalay Anglers Club kag organizer sang Sipalay City Game Fishing Tournament.
Gindayaw sang Tourism office ang determinasyon kag pasensya ni Jhon Mark para makakuha sang amo sini kadako nga isda.
Para sa ila nagapakita ini sang iya pangabudlay kag dedikasyon sa fishing kag sa bugana nga marine resources sang siudad.
Ang fishing tournament ang isa sa mga premier sports tourism events sang Sipalay.*
[sibwp_form id=1]